Lola García Saavedra expón no Centro Oncológico de Galicia

Durante os meses de xuño e agosto podedes ver no COG unha exposición de pintura de Lola García Saavedra. Na mostra achéganos a todas aquelas situacións vitais nas que, como dí Lola, “nada podemos facer por precipitar ou cambiar o curso dos acontecementos” neses momentos o mellor é buscar no interior, agardar no sosego. Algunha das obras está inspirada por algún dos 64 Hexagramas do libro I-Ching, texto milenario do pensamento Taoísta.

Lola é licenciada en Belas Artes pola Universidad Complutense de Madrid.

Na espera no COG: Noemí Lorenzo

Pegadas é a exposición de pintura e gravado de Noemí Lorezo que podemos ver no Centro Oncológico de Galicia ata finais de marzo. Según nos conta ela mesma, trátase dunha serie que comeza no 2005 a influencia do grupo francés Supports-Surfaces, e versa sobre o proceso creativo, o soporte, os materiais e os moventos do pincel, case, en palabras da artista, “coma quen escribe unha carta de amor”.

Creatas I Feira de arte independente (Betanzos, antigo Matadeiro 22-30 decembro)

logoO colectivo arTeu, xunto con La Madriguera, estamos a organizar, para este Nadal Creatas, I Feira de arte independente en Betanzos. Será no antigo Matadeiro de Betanzos, durante os días 22 ao 30 de decembro (pechamos o 24 e 25). Nela participamos 12 artistas de Betanzos e a súa contorna (Carlos Botana, Pilar Cancio, Teresa Candal, Nieves CAstrolara, Inma Doval Porto, Mercedes Mored, Isabel Pintado, o colectivo Plankton, Polo e Xacobe Meléndrez Fassbender) e tres artistas portuguesas (Renata Carneiro, Miriam Rodrigues e Teresa Pedroso).

Este é a imaxe creada por Nieves Castrolara para identificar a Feira. Editaremos un pequeno catálogo en papel, tamén deseño seu.

Haberá tamén varias actividades durante a mostra, concertos, obradoiros artísticos e poesía. Contamos na equipa con Xosé Taboado Durán, que coordina todas as actividades musicais: ademáis del acturán Doa, César e Brais Morán, Paco Campos e Quintas Canella grupo. Todos eles presentarán os seus últimos discos. No eido das letras teremos con nós a Eva Veiga que presentará os seus últimos poemarios. O programa aínda non está pechado, polo qeu é posible que haxa novas incorporacións.

Promove o Concello de Betanzos e colaboran: a libraría Biblos, a escola de música Clave e o Rastro de Merce. E quen o desexe poderá tomarse alí un viño e degustar algún dos fantásticos pinchos que preparan na Artesa da moza crecha.

Toda a información estará dispoñible na web http://creatasbetanzos.tumblr.com/ na que iremos anunciando cada un dos eventos.

Fran Nieto na Clínica Aiemá

11240082_1012904212063836_1621000769984922002_oNa Clínica Aiemá de Compostela podedes ver a exposición “Augas de Galicia” do fotógrafo Fran Nieto. Fran Nieto imparte cursos de fotografía e durante varios anos dirixíu a revitsa Naturaleza salvaje. Ten publicado un marabilloso libro “Fotografía macro”, no que quen estea interesado na microfotografía atopará un feixe de trucos e imaxes.

 

Exposición de Marta de Aguiar na Clínica Aiemá

Aqui podedes ver algunhas imaxes da exposición de Marta de Aguiar na Clínica Aiemá de Compostela.

Teresa Candal expón na Clínica Aiemá

10431261_10203482753809717_3135832752012173655_oCambiamos este mes de exposicións, dentro do proxecto na espera. Na Clínica Aiemá, de Santiago de Compostela inaugura mostra Teresa Candal, artista galega, de Cambre. A obra de Teresa ten unha protagonista, a muller, nas súas pinturas e acuarelas, moitas veces acompañada de fermosos textos propios ou prestados para homenaxear a algún escritor ou escritora. Tamén
Ademáis de artista é arteterapeuta e deseñadora gráfica.

10847812_660030207443307_8643673161003912598_nE no COG a exposición de Abe Rábade, Covas de luz, poesía a través das follas, as pingas de auga…

Visita de Juan Sebastián Carnero

Este xoves inauguraremos a exposición de Ex-libris na Fundación CIEC. Este proxecto está organizado por arTeu e Inkprint Group (Porto), e é o CIEC chega depois de pasar por Porto e a Biblioteca da Facultade Ciencias da Educación da Universidade da Coruña. Nel participan 20 artistas: Ariel Kofman, Carmen Cierto, Cristina Camargo, Inma Doval, Isabel Pintado, Juan Sebasatián Carnero, Manuel
Ramos, Manuel Silvestre, Paz Amorim, Maribel Longueira, María Verdugo, Mariana de Castro, Miriam Rodrigues, Mercedes Molares, Nacho Baamonde, Renata Carneiro, Roberto Suárez Brandariz, Rosa Puente, Susana Bravo e Teresa Pedroso.

Este proxecto naceu a partir dun obradoiro sobre o proceso de creación dun ex-libris relaizado por Juan Sebastián Carnero, artista arxentino especializado neles, e que tivo lugar na marabillosa cidade de Porto, organizado por Inkprint Group. Arteu convida a Juan Sebastián a unha estancia artística en Galicia, na cova de Cecebre, durante a cal realizará varias actividades:

Xoves 3, ás 20 horas: asistirá á inauguración da mostra na Fundación CIEC.
Sábado 5 e domingo 6 de 10 a 14 horas: impartirá un obradoiro de litografía sen auga, no taller Khavú, da Coruña (Industrial, nº 9).
Sábado 5 ás 20 horas: presentará na libraría Biblos de Betanzos, os libros La ciudad ambulante, de Darío Semino e Mensajes en una botella, de Viviana Campo ilustrados por el, inaugurando ao tempo unha mostra con ditas ilustracións.

imaxe do seu blogue

Juan Sebastián Carnero ten unha grande traxectoria artística, acadando numerosos premios internacionais, polo que é esta unha grande oportunidade para coñecer a súa obra.

Despois da súa estancia aquí continuará ata Porto, onde está convidado por Inkprint Group para impartir outro obradoiro de litografia sen auga, e finalmente irá a Barcelona onde participará no XXXV Congreso Internacional de exlibristas, convidado por Mariano Casas Hierro.

Obradoiro de litografía sen auga

En abril organizamos, xunto ao espazo de gravado Khavú, un obradoiro de litografía sen auga sobre pranchas de offset, con transfer e con debuxo directo. O profesor é Juan Sebastián Carnero, artista arxentino especialista nesta técnica. Será en Khavú (A Coruña) os días 6 e 7 de abril (sábado e domingo). Prazas limitadas, grupo de 10.
Inscripcións do 13 ao 25 de marzo:

mquian@mac.com
652101933

 

Grabado para las tablas de skate “Don Juan” Octubre-noviembre de 2013

Juan Sebastián é un fantástico artista, que ademáis aplica as técnicas do gravado a moitos obxectos cotiáns: ten a súa propia marca de skates “Don Juan”, gráfica aplicada a coiro, tea, madeira (cadeiras, cortinas, camisetas, cadernos…). No seu blogue veredes moitas das súas experiencias. Realizou as ilustracións para algúns libros e un disco, e tamén nesas datas poderemos asistir á exposición e presentación deles na libraría Biblos de Betanzos.

Juan visita o noso país para asistir á inauguración dunha exposición de ex-libris, na que el participa, un proxecto de intercambio entre Portugal, España e Arxentina, e organizado por arteu e Inkprintgroup (Porto).