Local dispoñible, almacén cultural

François Davo. Fotografía de Xacobe Meléndrez. Obras do fondo de Ada Porto

O sábado 14 de decembro tivo lugar a primeira actividade dentro do proxecto Local dispoñible, almacén cultural. Case un centenar de persoas poideron disfrutar do recital de poesía dos membros do Grupo Surrealista Galego.

Tati Mancebo. Fotografía de Xacobe Meléndrez. Obras do fondo de Ada Porto

Xoán Abeleira. Fotografía de Xacobe Meléndrez. Obras do fondo de Ada Porto

Xoán Abeleira comezou a súa intervención presentando o grupo e rompeu o xeo cun audio no que el mesmo recitaba mentras Alberto Laso acompañaba coa música.

Alfredo Ferreiro. Fotografía de Xacobe Meléndrez. Obras do fondo de Ada Porto

Alfredo Ferreiro deu un bo avance do seu novo poemario, ainda inédito e Tati Mancebo agradeceu a Raúl Doval o tempo pasado como docente na Academia Roma, que durante moitos anos estivo neste local. Seguíu François Davo, que repartíu versos manuncritos en tarxetas postais, conseguindo así a intervención do público, Begoña Paz, con poemas que pasaron veloces como raiolas de luz, moi fermosos e pechou Ramiro Torres que recitou poemas do seu libro Esplendor arcano. Despois todas e todos compartimos un viño, conversa e visitamos as salas nas que están expostas as obras de Xacobe Meléndrez, Ada Porto e Inma Doval, fotografía, pintura, gravado e escultura.

Continuaremos realizando actividades, e se alguén está interesado ou interesada no local pode chamar ao teléfono: 616838142.E quen desexe ver a obra alí exposta pode chamar ao 630389100 ou ben 658495579.

Comeza Local dispoñible, almacén cultural

Proposta artística do colectivo arTeu para un local baleiro de 130 m2, que está á venda ou diposto para ser alugado. O inmoble está na rúa Historiador Vedía, nº 1 e durante moitos anos foi unha academia de ensino pola que pasaron moitos coruñeses e coruñesas, a Academia Roma. O espazo pasa a ser habitado por obras de arte de Xacobe Meléndrez FassbenderAda Porto e Inma Doval, un contedor artístico de pintura, fotografía, escultura e poesía. Ademáis se realizarán diversas actividades culturais, comezando o día 14 de decembro, ás 19.30 horas cun recital poético dalgúns compoñentes do Grupo Surrealista Galego. Escoitaremos as voces de Tati Mancebo,Alfredo FerreiroRamiro TorresXoán AbeleiraBegoña Paz e François Davo.

A finalidade deste proxecto é darlle vida a un espazo que leva tempo deshabitado con propostas culturais ao tempo que se lle da visibilidade a un local ideal para calquera tipo de negocio, estudo artístico, buffete… Programaranse actividades para todos os públicos como poesía, vieoarte, performance ou contos para rapaces e rapazas. A asistencia é libre e gratuíta.

Esta iniciativa non é orixinal, hai unha grande proposta deste tipo en Madrid, que funciona dende hai xa case dous anos, “Se Alquila”.

III Enarborar o bosque: Contra os proxectos de minería agresiva

Un ano máis, mantemos o noso compromiso co medio ambiente e a sociedade, netsa ocasión trasladámonos a Cabana de Bergantiños, á carballeira de Santa MAriña en Corcoesto, para decir NON ás minas contaminenates, NON á mina de ouro qeu queren instalar en Corcoesto, NON á estrución do noso medio, NON á explotación extranxeira do noso país, NON ao engano e a mentira, NON á contaminación das augas, do subsolo, do monte, das terras…

1 de xuño de 2013 a partir das 11 da mañán e durante todo o día

na Carballeira de Santa Mariña de Corcoesto. Baixo o lema:

Contra os proxectos de minería agresiva

  Convocatoria artístico reivindicativa promovida polos artistas Delio Sánchez de Factoría Delideas e os componentes do Colectivo arTeu, Inma Doval e Xacobe Meléndrez, en colaboración coa Plataforma Pola Defensa de Corcoesto e Bergantiños e co apoio da Federación Ecoloxista Galega (F.E.G.).

Será unha xornada lúdica na Carballeira de Santa Mariña de Corcoesto, sobre o río Anllóns na que se poderá ver traballando a pintorxs, videoartistas, escultorxs, fotografxs… intervirán tamén artistas do mundo do espéctaculo e irán sucedendose as actuacións de músicos do país coas suas versións  máis acústicas; nunha xornada de convivencia, criatividade e compromiso. O publico asistente poderá tamén participar nun taller de estampación e no pintado dunha lona colectiva coordenado polo Grupo Contamiñate.  Todas as persoas que queiran poden levar os seus pinceis, papeis e calquer outro aparello para realizar as súas creacións .

Escritores e artistas do pais e tamén chegados de ben lonxe participarán na instalación de “Un milladoiro para Corcoesto”, na que se invocará o valor destas construccións antigas e tradicionais que servían e siguen a utilizarse en moitos lugares do mundo para alonxar malos espíritus e demarcar territorios… que concluirá cun recital das poesias escritas sobre as croias e intervidas polos asistentes e outras recibidas por correo e que formarán unha morea ao carón do camiño que vai á antiga boca da mina.

Rematarase a xornada coa lectura do MANIFESTO de Enaroborar o Bosque en Corcoesto.

As obras de arte realizadas nesta xornada exporánse na Casa de Cultura de Carballo no vindeiro outono e, xa no ano 2014, na Galería “El Taller” de Santiago de Compostela, coincidindo coa convocatoria do IV Enarborar o Bosque.

Os artistas que teñen confirmada a súa asistencia este ano son:

Plásticos: Leandro Lamas, Delio Sanchez, Fran Moledo, Nolo Suárez, María Leal, Rubén Fenice, Rubén Mariño, Marcos Varela, Nando Pereiro, Ana Fer, David Manteiga, Paula Manteiga, Sebas Anxo, Carlos Botana,  Lola Oviedo, Cora Peña, Mercedes Molares, Mar Suárez Canosa, Carla Souto,  Aitana Tubío, Inma Doval, Fran Moledo, José Luís Busto Cousillas, Novais, Ángel Marcelo, Naty Sanjuán.

Fotógrafos: Xacobe Meléndrez, Maribel Longueira, Begoña Pastoriza, Carolina Martínez Rodríguez.

Música: Tonhito de Poi, Sapoconcho Galego, Josito Porto, Roberto Sobrado e César Morán.

Teatro e contacontos: Zezilia Meléndrez, Ana Hermida e Esbardalle poético

Poesía “Un milladorio para Corcoesto”: Natalia Concheiro, Ramiro Torres, Afredo Ferreiro, Francisco X. Fernández Naval, Nolim González, Alfonso Láuzara, Justo Huilcamina, Ceu Costa, Miriam Rodrigues, François Davó, Encarna Vidal, Iolanda ALdrei, Marina Ourol, Paco Souto, Berta Dávila, Helena Villar Janeiro, Marta Pedrosa.

Homenaxe a Bernardino Graña

E medrou o Mar ! abofé, o sábado día 1 de setembro, coa compañía do sol e unha brisa mariña que nos trouxo arrecendos oceánicos a misturarse cos dos óleos e os acrílicos, entre lenzos, táboas e papel. Cos sorrisos da rapazada nos contos, a emoción vívida dxs poetas e Bernardino ao final da mañán, orgulloso do seu fillo, o artista-músico da familia, e de ter sido nomeado Cabaleiro do Mar no Campo da Rata, perto da torre de Hércules.

O retrato, agasallo de Cubeiro, apertas e máis apertas que como capas ían superpondoselle no lombo e coas que o poeta ía crecendose.

Na tarde “proa ao mar, rachando as ondas, duros, sempre de fronte” que é a recomendación que nos fixo para encarar estes tempos difíciles e o seu “queremos gobernar nós, non os partidos políticos, que nos deixen a NÓS!”, lucidez e rebeldía en todos os rumos, decindonos que a súa palabra é “a súa palabra”. Unha “derrota” polo mar da Coruña reivindicando idioma na toponimía e lembrando anécdotas. Memorable recibimento gaiteiro coa súa marcha ate o paraninfo, onde se sumou o coro que botou máis aloumiños no seu peto, no seu peito.

Exposición dalgunhas das obras realizadas na mañán e entrada apoteósica ao Paraninfo, trescentas persoas de pe agarimando ao poeta cos seus aplausos. Un acto sinxelo e equilibrado, música, vídeos, representación institucional, unha escolla dxs amigxs escritorxs… coa dimensión e a frescura precisas, a tensión contida a medrar baixo a batuta do patrón maior o Xurxo e a súa bugina, e a letanía “medre o Mar”… para o “San Roquiño” como confesou sentirse Bernardino, sempre a rir e o primeiro de si mesmo.

Cada anécdota coas que rematou onte cargada de maxisterio. E o final a entrega dos agasallos e a saida, cos seus amigos, cos seus lectores cruzandolle o camiño interumpindo o desembarque. Saudas, apertas e máis música no claustra do Reitorado. Recollendo todo a “cooperativa” de reporteiros montada para a ocasión, temos moita materia prima coa que traballar agora. E fin….  non a festa non podía rematar o bardo non nolo perdoaría, precisaba dunha “taberna infame” onde bebemos, rimos, cantamos e bailamos, e Bernar tamén cunha enerxía que nos venceu, o capitán foi o último en abandonar o barco. El marchou rúa abaixo con Carmen e Cáccamo, nós cara a alta Cidade Vella e tomamoslle ainda a penúltima. Cando despois recollimos o coche e emprendimos a retirada ao noso refuxio no interior da Fraga de Cecebre… nova sorpresa, estaba na terraza diante da Xeladería Italiana de Porta Real disfrutando dun postre doce para o que foi unha xornada na que disfrutou coma nunca, coma sempre.

Soños cumpridos! medrou o MAR! e como el dixo GRACÍSIMAS ao traballo de todxs nós.
Eu sigo aprendendo que nese paso do eu ao nós, do que falou Manolo Rivas, está a clave.
Cando todos bogamos na mesma dirección somos capaces de calqueira cousa!
Parabéns a todxs NÓS!
e me inclúo

(Texto de Xacobe Meléndrez Fassbender e fotografías de Begoña Pastoriza)

MEDRE O MAR: Homenaxe a BERNARDINO GRAÑA

Como ben dicía Manuel María, “Hoxe o noso grande poeta do mar é, ó meu xuicio, Bernardino Graña. Pra atopar entre nós outro poeta do mar da súa categoría habería que remontarse a Manuel Antonio. Pra Bernardino Graña o mar case é o mundo, povoado, non somentes polos peixes, carrumeiros, toda unha fauna e vexetación marina, senón que tamén polos mariñeiros e afogados… Bernardino Grana canta a un mar poderoso, creador, vivo… “. *

O día 1 de setembro, sábado, prepárase unha gran xornada artística para homenaxear a Bernardino Graña, “Medre o mar”, como dí o noso grande poeta. Escritores, pintores, músicos, actrices e actores, videocreadores… agasallarán a Bernardino coas suas criacións e poñerán voz aos seus versos.

Organizan a Asociación de Escritores en Lingua Galega (AELG) e o colectivo arTeu, e colaboran a Universidade da Coruña e a Real Academia da Lingua Galega.

O programa é extenso e variado, a partir das 11.30, “mirando ao mar” con cores e voces. Artistas plásticos crearán as suas composicións, entre eles Alfonso Costa, Isabel Pintado, Tino Poza, Carlos Botana, Carmen Cierto, Lara Pintos, Mercedes Molares, Miguel Melero, Nolo Suárez, Nando Lestón, Begoña Pastoriza, Rubén Mariño, Augusto Metztli, Marthazul, Suso Cubeiro, Soledad Pite, Ánxela Pérez Meilán, Begoña Tojo, Inma Doval e Ovidiu Batista, mentres voces tan fermosas como as de Berta Dávila, Dores Tembrás, Alfredo Ferreiro, Begoña Paz, Ramiro Torres, Mou de Loug, Natalia Concheiro, Tati Mancebo, Nolim González, François Davó ou Henrique Rabuñal soan a carón das rochas. Zezilia Meléndrez e Ana Hermida entretendrán a grandes e pequenos, con contos e lecturas dramatizadas.

Ás 16,45 embarcaremos nunha lancha e “pasaremos a marola” , escoitando a Anxo Angueira e Xabier P. Docampo. Despois os gaiteiros Peixe e amigos e Os Vicentes de Elviña guiarán nunha marcha en loor de Bernardino a todos os asistentes hacia o edificio da Maestranza, onde terá lugar a segunda parte da homenaxe, con exposición das obras creadas na mañán no claustro e un gran acto poético con música e proxeccións, “Medre o mar!”, no Paraninfo da UDC. Nesta acasión Xosé María Álvarez Cáccamo, Marica Campo, Marta Dacosta, Lois Diéguez, Miguel Anxo Fernán-Vello, Xosé Luís Méndez Ferrín, Xosé Manuel Millán Otero, Pilar Pallarés, Manuel Rivas, Cesáreo Sánchez Iglesias, Xavier Seoane, Xulio L. Valcárcel, Diana Varela Puñal, e o reitor da UDC, Xosé Luis Armesto,  poñerán voz aos peomas de Bernardino Graña. Actuarán A Quenlla, Pablo Coello,Coro mar das Acentes e Xurxo Souto. Proxectaranse videocreacións de Xacobe Meléndrez Fassbender.

A asistencia toda a xornada é libre e desexamos que sexa numerosa como ben merece noso gran poeta de Cangas. Quen queira “pasar a marola” na lancha que sairá da Dársena, deberá reservalo previamente na AELG: oficina@aelg.org 981133233, o custe é de 5 €.

Máis información tédela en AELG e Sermos Galiza

———————————————————————————————————————-
* Manuel María. A presenza do mar na poesía galega. En: RIEV. Revista Internacional de los Estudios Vascos, Año 39. Tomo XXXVI. N.º 2 (1991), p. 313-338 ISSN 0212-7016. San Sebastián: Eusko Ikaskuntza

… Na espera: Paz Vicente non Centro Oncolóxico de Galicia

Durante os meses de agosto e setembro as salas do Centro Oncolóxico de Galica acollerán unha fermosa mostra fotográfica de Paz Vicente, artista soriana que reside actualmente en Galicia, licenciada en Belas Artes pola Universidad Complutense de Madrid, e master en Arte, Museoloxía e crítica pola Universidade de santiago de Compostela.

As fotografías corresponden a duas series, “Dualidad” e “ In illo Tempore.

 

 

 

 

 

© Paz Vicente

II Enarborar o bosque

Onte na carballeira de Coto Pereira xuntámonos un grupo de artistas para reivindicar coas nosas creacións a protección do medio. Nesta ocasión, como ben sabedes, queríamos manifestara a nosa oposición á incineración do lixo, e reclamar unha aposta polas las tres R, nesta orde: Reducir, Reutilizar e Reciclar. Tamén denunciar as talas indiscriminadas que se están facendo en Cerdedo e opoñernos á mina que queren construir nesta fermosa Terra de Montes. Pintores, contacontos, fotógrafos e poetas, creando nunha paisaxe ben bonita, cunha xente encantadora e con auga sí, máis da que desexábamos nese día.

A xornada da mañá foi sen apenas auga, polo que puidemos disfrutar da grande aperta da natureza. Anxo Moure, o Carballo con botas, deixounos un fermoso conto, no que nenas, nenos e adultos sorrimos e brincamos. Na tardiña, debido á forte chuvia, trasladámonos á casa do pobo, alí continuaron as creacións e fixemos a montaxe da instalación poética “Poemas antes do lixo”. Natalia Margalejo, Nolim González, Marcelo, Marta Pedrosa… poetas que crearon alí os seus poemas, lendo ademáis os de moitos que os enviaron por correo como Chisco Fernández Naval, Mito Elías, Bilal Traoré, Iria Anido, Lucía Aldao, Ramiro Torres… e moitos máis. As obras creadas estiveron alí expostas xunto coas maravillosas  esculturas  que Juan, veciño do pobo, creou para ese día. Rematamos cunha cálida despedida, con chocolate e rosca, ofrecida por Verbo Xido e a xente do pobo, a quenes agradecemos ese diálogo que se formou dende o inicio, un intercambio e apoio que sabemos terá continuidade. E moitas grazas a toda a xente de Doade, fermosa, participativa, acolledora, que estivo alí, comapartindo con nós, e a Lola, Poldo, Constantino, Dioniso… e moitos máis que axudaron a que esta xornada fora así de boa. Grazas tamén a Mada Meléndrez  sempre loitando dende a FEG, e que estivo con nós apoiando esta actividade.
Aquí queda unha mostra no telexornal da TVG.

fotografías: Xacobe Meléndrez