ENARBORAR O BOSQUE

 

Este ano será a II convocatoria do encontro artístico en prol do medio ambiente Enarborar o bosque, que como sabedes organizamos arTeu (Xacobe Meléndrez e Inma Doval) e Delio Sánchez e que terá lugar no Concello de Beariz o 10 de xuño, cunha proposta de Reciarte. Unha xornada de artes ao aire libre. Convocatoria aberta a esritores, artistas plásticos, fotógrafos, músicos, artes escénicas e público en xeral.

(cartace realizado por Ana Fernández)

Cada quen leva o seu xantar, as suas pinturas, poemas, guitarras, etc.
Non queremos incineración, se non un consumo e unha xestión responsable.
Acudide!
http://enarborarobosque.blogspot.com.es/

Para esta ocasión Xacobe Meléndrez prepara unha instalación poética a partir da reutilización dos rolos papel hixénico, “poemas antes do lixo”

“Recolectar, comer e abonar
ciclo armónico explotar

consumir e verter
triángulo destructivo.

Mirar dende a humildade do último dos refugallos, ise ángulo pouco explorado que nos pode axudar a reinventarnos. Procurando novas fórmulas, novas visións, novas portas para renovar o noso pacto de acollida na nosa contorna.”

ENVIADE AS VOSAS POESÍAS ESCRITAS SOBRE OS ROLOS DE CARTÓN QUE QUEDAN CANDO SE ESGOTA O PAPEL HIXIÉNICO
AO SEGUINTE ENDEREZO POSTAL, (deben chegar antes do 8 de xuño)

Poemas antes do lixo
arTeu arte+sociedade
Aptdo 223
15660 Cambre
A Coruña

TAMÉN AS PODEDES LEVAR AO IIº Enarborar o Bosque, encontro artístico no medioambiente, o 10 de abril en Bearíz-Ourense (estade atentos á convocatoria), ou mesmo levar rolos en branco e inspirarte alí mesmo.

Aínda lembramos a fermosa instalación “poemas na fronde” no I “Enarborar o bosque” na que participaron máis de 30 poetas galegos, de méxico, Costa Rica, Cabo Verde, Polonia, Portugal…

ENARBORAR O BOSQUE é unha acción artística creada porlos artistas pláticos e visuais Deli Sánchez, Xacobe Meléndrez e Inma Doval (os dous últimos do colectivo arTeu). Foi creada para reivindicar a protección dos nosos bosques e realizada na Carballeira de Chaián o 4 de xuño de 2011. Eiquí podedes ler o MANIFESTO.
Xa quedou enarborarado o bosque, perto dun centenar de persoas achegáronse á Carballeira de Chaián o pasado domingo 4 de xuño para compartir con nós este acto en defensa do noso bosque. 50 creadoras e creadores, pintura, música, maxia, escrita, escultura… realizando e compartindo as suas obras á beira do Tambre, algo máxico (Deli Sánchez, Nando Pereiro, Nolo Suárez, Marina Cocos, Celia Pías, Carlos Inaciu, Ivor Smodek, Fran Montoiro, Ana Fernández Otero, Paz Vicente…). E o fermoso de crear é comunicar, por iso agradecemos a todas e todos esos amigos e amigas que estiveron con nós, que axudaron e axudan cada día co seu calor a que isto sexa posible (Monse, Diego, Xosé, Jesús, Tino e familia, Petri, e moitísimos máis).
Xa na última hora da tarde Deli Sánchez leu o noso Manifesto e despois ofrecimos ao bosque o que foi creado para el e nunha fermosa homenaxe, na instalación “poemas na fronde” de Xacobe Meléndrez puidemos oir as voces de Helena Villar Janeiro, Xesús Rábade, Fátima López, Natalia Margalejo, Marisa Villanueva, Marisa Mendes, Bea Bugallo, que amáis de recitar os seus poemas puxeron voz a outros de Luís Maçás, Xoán Abeleira, Eva Wozkiewiz, Mercedes Molares… Nun carballo que deixaba caer docemente as suas polas sobre o río penduraban outras follas, regaladas, de máis de 30 poetas galegos, de méxico, Costa Rica, Cabo Verde, Polonia, Portugal… (amáis dos nomeados, Francisco X. Fernández Naval, Fraçois Davó, Eva Veiga, Justo Ilhuicamina, Natalia Concheiro, Alfonso Láuzara, Marinca Cocos…).

Pronto poderedes ver toda a obra plástica creada, a instalación “poemas na fronde”, o libro cos poemas e o video nas exposicións que iremos anunciando. Nun principio temos xa comprometida unha no Castelo de Santa Cruz.

O evento tivo repercusión mediática (TVG), Radiofusión e La Voz de Galicia, ademáis da rede. Helena Villar Janeiro escribíu un fermoso artigo no Correo Gallego.
Todo isto quedou tamén recollido en multitude de fotografías tomadas por Paz Vicente, Helena Villar Janeiro, Lurdes Maceiras, Xacobe Meléndrez, Inma Doval, Deli Sánchez…) e video (Diego Beltrán). Podedes ver algunhas delas e máis que iremos colgando no blogue de enarborar o bosque.
Eiquí quedan as de Xacobe, como mostra deste día:

Artigo na revista “Museo del Árbol” de Costa Rica

Unha reflexión sobre “ENARBORAR O BOSQUE

  1. Pingback: Poemas antes do lixo: Instalación poética II Enarborar o Bosque | arteu

Os comentarios están pechados.