Portable

caixasPortable é un proxecto de intercambio artístico entre A Coruña, Londres e Ullapul (Escocia), no que participamos 12 artsitas, 4 de cada localidade. Arteu encárgase da coordinación dos artistas da Coruña. As exposicións terán lugra nos tres lugares, dende o mes de xuño ata outubro de 2015, e ademáis conlevarán unha serie de obradoiros, recitais poéticos e residencia de artista. Pola banda da Coruña participaremos Isabel Pintado Palacio, Carlos Botana, Xacobe Meléndrez Fassbender e Inma Doval Porto. De Londres, William M. Hudson, Elleanor Salt, Andrea Sinclair e Judith Brocklehurst, e de Ullapul, Ian Stephen, Joanne Kaar, Charlotte Watters  e Marian Leven. Ide anotando na axenda, a primeira exposición será en Londres, na Fordham gallery, unha galería fotante, nun barco que navegará e parará en distintas localidades ao sur de Londres, dentro dun festival artístico-cultural. A inauguració formará parte do First thursdays, o 4 de xuño  con inauguracións simultáneas, ese día a galería flotante estará en Hackney Wick area. Tamén en Londres se poderá visitar, despois, en Art in the park. En xullo terémola aquí e en setembro-outubro en Ullapul.

Nova exposición no Centro Oncolóxico de Galicia

A partir de mañán, venres 6 de febreiro, poderedes ver no Centro Oncolóxico de Galicia a exposición 3 anos despois, de Marta de Aguiar, artista angolana que vive en Porto (Portugal) onderealiza e coordina numerosas exposicións. A finais do ano pasado comisariou a exposición “ADUNTORIUM NON CONSTANT, na DaVinci Art Gallery, mostra colectiva a favor da loita contra o cancro.

A mostra que nos trae agora é unha retrospectiva do traballo realizado entre os anos 2012 e 2015, como ela dí, “de delicias e tristuras, unha mistura de emocións”. A exposición poderá visitarse durante os meses de febreiro e marzo.

?????? 3años

Teresa Candal expón na Clínica Aiemá

10431261_10203482753809717_3135832752012173655_oCambiamos este mes de exposicións, dentro do proxecto na espera. Na Clínica Aiemá, de Santiago de Compostela inaugura mostra Teresa Candal, artista galega, de Cambre. A obra de Teresa ten unha protagonista, a muller, nas súas pinturas e acuarelas, moitas veces acompañada de fermosos textos propios ou prestados para homenaxear a algún escritor ou escritora. Tamén
Ademáis de artista é arteterapeuta e deseñadora gráfica.

10847812_660030207443307_8643673161003912598_nE no COG a exposición de Abe Rábade, Covas de luz, poesía a través das follas, as pingas de auga…

Novas exposicións na Espera

DavidCrooksTareton (1)Juan Luís Rua expón unha serie de fotos “musicais” na Clínica Aiemá de Santiago de Compostela, e david Crocks amosa unhas pinturas cheas de cor no Centro Oncolóxico da Coruña. Ambas exposicións poderán verse durante os meses de outubro e novembro. Animámosvos a visitalas, son fantásticas.

davidcrocksTarxetonfrontal Aiemab

 

Obradoiro de Cianotipia

cartacesetembrolistoAgosto é mes de vacacións para moitas e moitos, polo que nos vemos na obriga de cambiar as datas do curso de cianotipia, esperando que o mes que vén xa esteades todas e todos aquí e vos apeteza anotarvos. Será os días 13 e 14 de setembro, de 10 a 14 e de 16 a 20 horas, no local da Asociación Cultural e Deportiva Garrulaxe(Cecebre).
Organiza: Asociación Cultural e Deportiva Garrulaxe e o colectivo artístico arTeu.
Imparte: Teresa Pedroso (Portugal)
Destinado a: Adultas/os que desexen iniciarse nunha técnica que ofrece gran cantidade de posibilidades artísticas (fotografía, pintura, gravado…). Tamén ten aplicación para botánica, para realización de ilstracións.. Maiores 16 anos.
Prezo: 40 € (material incluído), socias e socios 30 €.
Mínimo 7 alumnas/os e máximo 12.
Matrícula: Deberá facerse o ingreso no nº de conta ES52 2080 0048 2430 4000 3301 (asunto: Curso cianotipia), antes do 29 de agosto, e enviar un correo co xustificante a garrulaxe@gmail.com.

Obradoiro de Cianotipia en Cecebre (Cambre, A Coruña)

16 e 17 de agosto, de 10 a 14 e de 16 a 20 horas, no local da Asociación Cultural e Deportiva Garrulaxe (Cecebre).
Organiza: Asociación Cultural e Deportiva Garrulaxe e o colectivo artístico arTeu.
Imparte: Teresa Pedroso (Portugal)
Destinado a: Adultas/os que desexen iniciarse nunha técnica que ofrece gran cantidade de posibilidades artísticas (fotografía, pintura, gravado…). Tamén ten aplicación para botánica, para realización de ilstracións.. Maiores 16 anos.
Prezo: 40 € (material incluído), socias e socios 30 €.
Mínimo 7 alumnas/os e máximo 12.
Matrícula: Deberá facerse o ingreso no nº de conta ES52 2080 0048 2430 4000 3301 (asunto: Curso cianotipia), antes do 05 de agosto, e enviar un correo co xustificante a garrulaxe@gmail.com.
A cianotipia é un procedemento fotográfico antigo, que crea imaxes monócromas, en cor azul cian, de ahí o seu nome. Utiliza dous compostos químicos, o citrato de ferro amoniacal, e o ferrocianuro potásico. Foi inventada polo astrónomo John Herschel en 1842, que descubríu que algunas sales de ferro pasan de férricas a ferrosas pola acción dos raios UV, formando unha imaxe azul indisoluble á auga. Mías tarde sería Anna Atkins, botánica inglesa, quen o poñería en práctica realizando unha serie de ilustracións de botánica.
O procedemento consiste en crear un material fotosensible a partir das sales férricas, ao que se lle superpón unha imaxe positiva, que se expoñerá a unha fonte de luz ultravioleta (pode ser a luz solar). Despois se revelará con auga e quedará a imaxe no papel, de cor azul cian (Prusia ou turquesa).
A manipulación de productos químicos debe ser realizada con precaución, dada a toxicidade da mayoría deles, polo que o curso non é recomendado para menores.

Adagio

79340Hai uns día Gabriel cumpríu 9 anos, case un ano xa con nós, o tempo pasa rápido. Como xa fixéramos hai 4 anos con Violeta, quixemos agasallalo con algo moi especial, algo realizado por nós os dous pensando nel. É así como xurdíu este fotopoemario, Adagio, con poemas meus e fotografías de Xacobe Meléndrez Fassbender. Está feito a modo de conversa entre os dous, a cada poema hai unha fotografía por resposta, un xogo vivo entre a palabra e a imaxe.

O fotopoemario consta de 9 poemas e 10 fotografias, impreso en glicée sobre papel de algodón Ultra Smooth con tintas minerais, nunha tirada de 9 exemplares numerados e asinados.

79334 79343

 

 

 

 

 

 

É este o segundo fotopoemario que edita arTeu. O primeiro foi Diálogo para unha serea (2011), dedicado a Violeta no seu 7º aniversario, que constaba de 31 exemplares formados por 31 poemas impresos sobre papel Creysse sobre os que se montaron 31 fotografías glicée en papel de algodón.

dialogoserea

IV Enarborar o bosque

Achégase a data do IV Enarborar o bosque, romería artístico-reivindicativa na que este ano queremos chamar a atención sobre o problema crónico dos incendios forestais en Galicia. (En anos ateriores: I.- protección do bosque (en Chaián -Santiago). II.- Contra a incineradora do Irixio (en Beade). III.- Contra a mineiría a ceo aberto (en Corcoesto). Participarán poetas, artistas plásticos, fotógrafos, músicos… profesionais e amadores, nunha xornada lúdica organizada por Factoría Delideas e o colectivo arTeu.
Farémolo na praia de Boca do Río,( Carnota ) baixo o Monte Pindo, que simbolizou a problematica dos incendios o ano pasado, pero podería ter sido a carón das Fragas do Eume, en Lalín ou en tantas partes do país que sufren todos os anos a peste destes incendios, na súa meirande parte intencionados.
Cada quén leva o seu xantar e os seus bártulos. Se alguén ten interese en participar con algunha actividade facédeo saber para ir organizando a xornada.

E se chove, que chova!, o Concello de Carnota prestaranos unha carpa de ser necesario.
(fotos de Delio Sánchez).

imaxe de Delio Sánchez

Contaremos coa participación de músicos: Xurxo Souto, César Morán, Xosé Taboada, Paco Campos, Dubi Méndez baamonde, Sapoconcho Galego,  Josito Porto, Bilal Traoré e Pablo Orza, entre outros. Espectáculos teatrais e contacontos: Cecilia Meléndrez, Miguel Ángel Alonso Diz e Ana Hermida. Poetas. Francisco X. Fernández Naval, Charo PIta, Iolanda ALdrei, Miguel Ángel Alonso Diz, Chelo Suárez, Marité Prieto…, artistas plásticos e fotógrafas/os.

Manifesto

Escritores e artistas xuntámo-nos este día en Carnota, baixo o influxo do Monte Pindo, para chamar a atención da sociedade sobre o problema dos lumes forestais. Un problema crónico, que se repite periódicamente con maior intensidade, pero que está presente todos os anos, con dous picos estacionais situados a finais do verano e a princios de primavera.
Tan só o ano pasado segundo dados da Xunta teñen ardido 16.000 Has de superfice forestal e monte baixo en Galicia, no Monte Pindo foron 2500 Has.  O efecto dos lumes é múltiple, á desaparición de flora e fauna hai que engadir un forte impacto paisaxístico e económico, nón só pola perda de explotacións forestais, xa que o efecto ambiental máis negativo é a erosión, a perda de solo -cando menos 17.000 toneladas de solo fértil só no Pindo-. A recuperación da profundidade e calidade destes é moitas veces imposible a curto prazo e os arrastres de cinza e restos queimados, polas treboadas posteriores, teñen graves efectos, provocando problemas nas localidades ava abaixo, nos rios e rías, ecosistemas que ven modificadas as súas características, o que afecta negativamente aos seres vivos que os habitan, moitos deles de uso alimenticio e comercial, acentuando o impacto económico na bisbarra.
As orixes deste andacio de destrucción son múltiples e non están ben identificadas ainda que si se sabe que na súa meirande parte son provocados. Enemistades entre veciños, enfrontamento entre gandeiros e productores forestais, renovación de pastos, despoboamento do medio rural, proliferación de monocultivos pirófitos… e a debilidade na condena social e xudicial aos incendiarios, froito da insuficiente valoración do monte.

Por iso pensamos que é precisa unha maior intervención da administración para identificar as causas dos lumes, unha persecución máis intensa e efectiva dos culpábeis, que leve parella condeas rápidas e exemplares, unha aposta por políticas de montes sustentabeis e de desenvolvemento rural que mire pola prevención sen desatender a capacidade de extinción. É precisa a ordenación adecuada do territorio e dos usos do bosque: distanciando o turno de cortas, promocionando do pastoreo ordenado, controlando as plantacións de eucalipto e outros monocultivos pirófitos, sen perder de vista o impacto negativo que poden producir as novas plantacións destinadas á producción de biocombustíbeis. Debemos priorizar a defensa e xestión sustentable de montes comunais, xa que constituen o 30% dos nosos bosques e son os que se   poden tratar en grandes parcelas, e utilizar os montes de xestión pública como referentes de conservación e productividade social e económica.
Non debemos esquecer que o problema do monte deriba do modelo e os valores sociais que definen a nosa sociedadeactual, a présa por acadar uns obxectivos económicos que se asocian a calidade de vida e felicidade levannos a pensar a curto prazo, sen implicarnos e solidarizarnos coas xeracións vindeiras. Cada persoa, cada un de nós, temos un certo grao de responsabilidade, por activa e por pasiva, no poblema dos lumes forestais, debemos transformarnos para que poida mudar a resposta social, da comunidade, fronte a este problema.
Facemos parte da natureza, renovemos o noso xeito de integrarnos harmónicamente nela.
Poñamos o bosque por bandeira!
                                                           MEDRE O BOSQUE!
Este é un acto simbólico promovido por os artistas plásticos e visuais Deli Sánchez de

Factoría Delideas e os compoñentes do colectivo arTeu, Inma Doval e Xacobe Meléndrez.
Coa colaboración do Concello de Carnota, Comunidade de Montes de

Caldebarcos e San Cibrao e Comunidade de Montes de San Mamede.

Convocatoria poética

VersosdeAugaconvocat from NoTobo do Raposo on Vimeo.