arTeu é un colectivo formado por dous artistas de Cambre (A Coruña), Xacobe Meléndrez Fassbender e Inma Doval Porto que ten por obxetivo principal achegar a arte á comunidade. A través do noso colectivo realizamos proxectos de xestión cultural, involucrando a artistas de distintas disciplinas (plásticos, músicais, poetas…) e, en moitas ocasións, de diferentes lugares do continente.

     A finalidade dunha obra de arte é expresar e comunicar a interpretación que un creador ou creadora fai dunha realidade. Para facer visible calquera manifestación artística é necesario un espectador e para achegarse a éste, a difusión da obra artística, e ao mesmo tempo, é imprescindible que exista unha interrelación entre cidadanía e creatividade para que a arte teña sentido.

      As principais maneiras de achegar a arte e a creatividade ao espectador, e polo tanto á cidadanía, pasan por museos e galerías de arte, lugares que só unha parte da sociedade está afeita a frecuentar, convertindo así a obra de arte nun obxeto elitista.

      Por outra banda, o/a artista para ser aceptado nese circuíto oficial e tradiccional creado para exhibir o “obxeto artístico” debe a miúdo doblegarse a imposicións formais que esixen críticos e institucións, existindo un modelo, que cambia cos tempos e o lugar, sobre cál é unha boa obra de arte. Fóra dese patrón non hai cabida, a nova “academia” de críticos e curatores marca unha liña de creación xa obsoleta noutros países.

      Con ArTeu pretendemos achegar a arte á rúa, estimular o interés pola cultura, buscando espazos alternativos para comunicar a creación artística, cambiando o fluxo de transmisión da arte: arte para á cidadanía non cidadanía para a arte.

     ArTeu tamén quere achegar a arte galega a outros países, e a arte realizada noutros lugares a Galicia.

    Para iso propoñemos varias accións:

1. Novos espazos expositivos que aproveiten unha infraestructura existente: escaparates, bares, restaurantes, centros médicos, prazas… A acción cultural actual espera que a sociedade se acerque a determinados espazos para ver obras de arte, como son as galerías, museos e centros culturais, pero entre os hábitos da maioría da sociedade non está a visita a estos espazos, nin a utilización do tempo de ocio para ver exposicións. Por que estos lugares non son atractivos ao público en xeral? Tal vez sexa unha falta de hábito, pero o que tamén é certo é que son espazos ríxidos, e a menudo pasivos. Faise cada vez máis necesario achegar a arte a ese público que non o ve, á sociedade en xeral e a mellor manera de facelo é nun entorno cotián, levádo as obras de arte aos espazos que frecuenta a sociedade.

2. Realización de obradoiros artísticos interxeracionais, na rúa ou en espazos sociais, como achegamento á arte e á creatividade. Poden ser obradoiros de pintura, fotografía, grabado… Comunicar o que levamos dentro a través da arte axuda ao enriquecemento persoal e ás relacións intersociais.

3. Interrelacionar as artes plásticas ou visuais coa música e artes escénicas. A rúa pode ser un lugar no que todas as artes conflúan coa sociedade nun intercambio de creatividade e comunidade. Para iso propoñemos realizar concertos na rúa, de grupos nóveis e e dos que xa están soando.

4. Realización de intercambios artísticos. A través doutros colectivos e asociacións de artistas, arTeu pretende realizar intercambios con artistas doutros lugares, por un lado reforzar a relación lusófona, con artistas de Portugal, Brasil, Cavo Verde, Guinea Bissau…, así como achegar a arte contemporánea galega á sociedade doutros países e a destes á sociedade galega.  Estos intercambios realízanse a través de proxectos de colaboración, así como coa organización de obradoiros con artistas extranxeiros.

Obxetivos xerais:               

1. Achegar a arte contemporánea á sociedade
2. Promocionar a creatividade entre a comunidade
3. Xerar novos canles de participación dos/as artistas
4. Utilización dunhas infraestructuras existentes para interrelacionar arte e sociedade
5. Reforzar a relación lusófona
6. Desenvolver un intercambio creativo entre diferentes países.

Contacta con nós colectivoarteu@gmail.com