Local dispoñible, almacén cultural

François Davo. Fotografía de Xacobe Meléndrez. Obras do fondo de Ada Porto

O sábado 14 de decembro tivo lugar a primeira actividade dentro do proxecto Local dispoñible, almacén cultural. Case un centenar de persoas poideron disfrutar do recital de poesía dos membros do Grupo Surrealista Galego.

Tati Mancebo. Fotografía de Xacobe Meléndrez. Obras do fondo de Ada Porto

Xoán Abeleira. Fotografía de Xacobe Meléndrez. Obras do fondo de Ada Porto

Xoán Abeleira comezou a súa intervención presentando o grupo e rompeu o xeo cun audio no que el mesmo recitaba mentras Alberto Laso acompañaba coa música.

Alfredo Ferreiro. Fotografía de Xacobe Meléndrez. Obras do fondo de Ada Porto

Alfredo Ferreiro deu un bo avance do seu novo poemario, ainda inédito e Tati Mancebo agradeceu a Raúl Doval o tempo pasado como docente na Academia Roma, que durante moitos anos estivo neste local. Seguíu François Davo, que repartíu versos manuncritos en tarxetas postais, conseguindo así a intervención do público, Begoña Paz, con poemas que pasaron veloces como raiolas de luz, moi fermosos e pechou Ramiro Torres que recitou poemas do seu libro Esplendor arcano. Despois todas e todos compartimos un viño, conversa e visitamos as salas nas que están expostas as obras de Xacobe Meléndrez, Ada Porto e Inma Doval, fotografía, pintura, gravado e escultura.

Continuaremos realizando actividades, e se alguén está interesado ou interesada no local pode chamar ao teléfono: 616838142.E quen desexe ver a obra alí exposta pode chamar ao 630389100 ou ben 658495579.

“… na espera”, con exposición de Inma Doval

“…na espera” é unha nova proposta de “arTeu, arte + sociedade” na procura de novos encontros entre o artista e o seu público. Tenta-se achegar a arte ao cotiá. Coa filosofía de que toda obra de arte ten o seu público, que hai que buscalo, damos as artistas unha nova posibilidade de expresarse a través da súa obra en espazos alternativos, fóra dos circuitos tradicionais, lugares nos que o encontro co traballo artístico sorprenda ao espectador: nesta ocasión eleximos a sás de espera dos médicos.

Comezamos este proxecto na clínica Aeima de Santiago de Compostela  (rúa Domingo García Sabel 3 –semiesquina Galeras), gracias á sensibilidade e boa acollida da idea mostrada dende o principio polo Doctor J. Cajade Frías e a súa equipa.

 “…na espera” en Aeima contará coas dúas salas e un total duns15 metroslineais para colgar obra plástica. A programación será bimensual, con 5 exposicións anuais.

 “arTeu, arte + sociedade” ten establecido contactos para realizar esta proposta en outros centros sanitarios, e esperamos poder ampliar a experiencia antes de rematar o ano a novos puntos da nosa xeografía.

 A exposición inaugural correrá a cargo de Inma Doval Porto, cofundadora de arTeu, que presentará a colección “Viramundo”  con 5 gravados e 2 pinturas sobre lenzo e táboa realizados con ténica mixta. Acompañaran ás obras dous poemas inéditos de Ramiro Torres.